Neft istehsalını azaltmaq təklif edilir
Tarix: 11-02-2016, 09:54 | Çap et
Neft istehsalını azaltmaq təklif edilir
Rusiya dövlət neft şirkətinin rəhbəri, ilk dəfə olaraq, neft istehsalçılarına təklif edir ki, qiymətin düşməsini önləməkdən ötrü istehsalı birgə azaltsınlar.

Rosneft rəhbəri, Prezident Vladimir Putin-in yaxın müttəfiqi olan Igor Sechin fevralın 10-da Londonda konfransda deyib ki, böyük istehsalçılar gündəlik istehsalı 1 milyon barrel azaltmalıdırlar. Bununla da gündə 1.5 milyon barrel izafi təklif azalmış olar.

“Böyük ixracatçıların təklifi koordinasiyalı şəkildə gündə 1 milyon barel kəsməsi qeyri-müəyyənliyi kəskin azaldar və bazar məntiqi qiymət səviyyəsinə doğru irəliləyər”, o bildirib.

2014-cü ildən bəri bazarda təklifin tələbi üstələməsi nəticəsində neftin qiyməti 70 faiz düşüb, bareli 30 dollara yaxınlaşıb.

Sechin indiyədək heç vaxt OPEC-lə əməkdaşlıq təklif etməyib. Son bir neçə həftə ərzində OPEC-lə Rusiya arasında razılaşmanın mümkünlüyü barədə bəyanatlar neft bazarını nisbətən dirçəldib.





Xəbərlər
 
 
 
 
 
 
 
 
 
23-01-2019 13:47
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 055 561-86-85 E-mail : vertikal-az@mail.ru
Designed by Daraaz.net