ADNSU-da tələbələrin 80 faizini imtahandan kəsiblər-NARAZILIQ
Tarix: 8-01-2016, 10:16 | Çap et
ADNSU-da tələbələrin 80 faizini imtahandan kəsiblər-NARAZILIQ
Bir zamanlar «AZİ» kimi ad çıxarmış, daha sonra məlum terror hadisəsindən sonra ADNA kimi hər kəsin yadında qalan Neft Akademiyası adını dəyişsə də, mahiyyətini dəyişməyib. JAM.AZ xəbər verir ki, bunu bir qrup valideyn adından yazan Üavər Cabbarov qeyd edir.

Şikayətçi bildirir ki, Azərbaycan Dövlət Neft və Sənaye Universitində qış imtahan sessiyası zamanı bir sıra haqsızlıqlar qeydə alınıb. Belə ki, imtahanlara daxil olan tələbələrin 80 faizi kəsilib. «Müəllimlər özləri etiraf edir ki, mövcud vəziyyətlə bağlı, büdcədəki pul çatımazlığını önləmək üçün yuxarıların sifarişi ilə tələbələrin kütləvi surətdə imtahandan kəsilməsinə start verilib. Biz kasıb vətəndaşlar olan-qalan pullarımızı toplayıb, borc-xərc edib övladlarımızın təhsil almaları üçün dəridən-qabıqdan çıxırıq. Lakin ovladlarımıza qarşı bu cür haqsızlıqlar edilir. Bir ali məktəbdə tələbələr kütləvi qaydada imtahandan kəsilməsi o deməkdir ki, ya müəllim dərs proqramını tədris etmir, ya da bu iş sifariş əsasında edilir».

Yavər Cabbarov yazır ki, qaydalara əsasən bir fəndən kəsri olan tələbə növbəti imatan sessiyasına kimi təqüddən məhrum edilir. «Üüstəlik həmin fənnin təkrar keçilməsi üçün tələbə ali məktəbin hesabına 170 manata qədər ödəniş etməlidir. Digər ali məktəblərdə bunun üçün müəyyən kredit limiti mövcuddur. Lakin ADNSU-də belə qayda yoxdur».

Qeyd edək ki, ADNSU yaradıldıqda onun rəhbərliyinə Mustafa Babanlı gətirildi. JAM.AZ bildirir ki, Texniki Universitetdə prorektor çalışan Babanlı rektor təyinatı aldıqdan sonra ADNSU-da test üsulu ilə imtahanların götürüləcəyini vəd edib. Y.Cabbarov yazır: «Amma vədinə əməl etmədi. Halbuki Azərbaycan Texniki Universitetində prorektor işlədiyi zamanda test üsulunun ilk dəfə tətbiqi məhz Musatafa Babanlı tərəfindən təklif edilib. Amma indi bu mövzudan qaçır».

Valideynlərin adından yazan sözügedən şəxs onu da vurğulayır ki, əgər bir ali məktəbdə tələbələr kütləvi qaydada imtanahdan keçə bilmirlərsə, demək, o ali təhsil ocağını bağlamaq lazımdır. «Övladlarımıza qarşı edilən bu haqsızlıqlar tələbələr arasında kütləvi narazılıq yaratmaq məqsədi üçün atılan addım olması da istisa deyil».

Qarşı tərəfi də dinləməyə hazırıq.





Xəbərlər
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 070 209-30-39 E-mail : vertikal-az@mail.ru
Designed by Daraaz.net