Türkiyəli aktirisa Fatma Girik xəstəxanada müalicə alan həyat yoldaşını ziyarətə gedərkən avtomobili ilə qəza keçirib.
Axşam.az-ın xarici mətbuata istinadən xəbərinə görə, Bodrumda baş verən qəzada aktrisa qolundan, boynundan və çiynindən yüngül xəsarət alıb.
“Qarşımdakı avtomobil qəfildən sürəti azaltdı. Mən də əyləcə basdım. Arxadan gələn kamaz maşınıma çırpıldı. Mən də qarşımdakını vurdum. Qəza gözləmədiyimiz anda baş verir. Əsas odur ki, ağır xəsarət alan olmayıb” - deyə, F.Girik bildirib.
Digər iki avtomobilin sürücüsü aktrisanı qucaqlayaraq, ondan üzr istəyib.
