Samir Əsədlinin namizədliyi qeydə alındı
30-09-2015, 13:38. Yazar: admin
Vətəndaş Həmrəyliyi Partiyası (VHP) Mərkəzi İcra Aparatının rəhbəri Samir Əsədlinin namizədliyi 11 saylı Qaradağ Seçki Dairəsində qeydə alınıb.
Samir Əsədli Axar.az-a açıqlamasında ciddi kampaniyaya hazırlaşdığını və yaşadığı ərazidə təbliğat imkanlarının geniş olduğunu açıqlayıb:
“Namizədliyimin qeydə alınması üçün 546 imza təqdim etdik. Yeri gəlmişkən, imzatoplama kampaniyamda iştirak edən və mənə imzasını əsirgəməyən hər bir kəsə təşəkkür edirəm. Özüm 11 saylı Qaradağ Seçki Dairəsinin ərazisində yaşayıram, dairəini əhatə etdiyi yaşayış məntəqələrini və seçiciləri yaxşı tanıyıram. Demək olar ki, bütün qəsəbələrlə əlaqələrim var. VHP-nin Qaradağ rayon təşkilatı kifayət qədər güclüdür. Mən də özək təşkilat sədri, partiyanın Qaradağ təşkilatının sədri, 5 il də Qızıldaş bələdiyyəsinin üzvü olmuşam. Böyük səs çoxluğu ilə bələdiyyə üzvü seçilmişdim. Ona görə də ciddi seçki rəqabəti aparacağıma heç bir şübhə ola bilməz”.
Geri dön