Türkiyədə tarixi hadisə: hakim səhvlərinə görə canlı yayımda üzr istədi
29-09-2015, 10:54. Yazar: admin
Türkiyə çempionatında “Kasımpaşa” – “Rizəspor” oyunundan sonra qəribə hadisə baş verib. Lent.az Türkiyə mediasına istinadən xəbər verir ki, oyunun hakimi Dəniz Çoban qarşılaşmadan dərhal sonra canlı yayımda hər iki komandadan üzr istəyib.
Heç-heçə (1-1)hesabı ilə başa çatan oyunda “Rizəspor”un 2 oyunçusuna qırmızı vərəqə verən, əsas vaxta əlavə edilmiş 6-cı dəqiqədə isə “Kasımpaşa”nın qapısına penalti təyin edən hakim oyundan dərhal sonra videotəkrarlara baxdığını deyib.
Dəniz Çoban “Kasımpaşa”nın baş məşqçisi Rza Çalımbay Lig Tv-yə müsahibə verərkən yayıma qoşulub. O, hər iki komanda ilə yanaşı Türkiyə Futbol Federasiyasından və Mərkəz Hakimlər Təşkilatından da üzr istəyib: “Çox məyus olmuşam, hamıdan üzr istəyirəm. Bəlkə də hakimlik karyeramın sonuna çatışam, özümlə bağlı qərar verməliyəm”.
Geri dön