10 milyona az qaldı
15-09-2015, 17:42. Yazar: admin
Bu ilin əvvəlindən Azərbaycan əhalisinin sayı 61,9 min nəfər və ya 0,6% artaraq 2015-ci il avqust ayının 1-i vəziyyətinə 9 mln. 654,9 min nəfərə çatıb.
AzVision.az Dövlət Statistika Komitəsinə istinadən xəbər verir ki, əhalinin sıxlığı bir kvadrat kilometrə 111 nəfərdir. Əhalinin 53,2%-ni şəhər, 46,8%-ni isə kənd sakinləri təşkil edir. Əhalinin 49,8%-i kişilər, 50,2%-i isə qadınlardır. Hazırda orta hesabla hər 1000 kişiyə 1009 qadın düşür.
Bu ilin yanvar-iyul ayları ərzində ölkədə 93,6 min körpə doğulub və əhalinin hər 1000 nəfərinə hesabı ilə bu göstərici 16,9 təşkil edib. Doğulan körpələrin 53,2%-i oğlan, 46,8%-i isə qızlardır. Doğulan körpələrdən 1704-ü əkiz, 48-i isə üçəmdir.
Geri dön