Tələbələrin metro kartı necə olacaq? - Rəsmi
11-09-2015, 17:50. Yazar: admin
Dərslərin başlaması ilə əlaqədar Bakıya gələn tələbələr yeni “BakıKart” alıb köhnə metro kartlarının girov dəyəri və balansını yeni karta transfer edə bilərlər.
Bu sözləri Axar.az-a Bakı Metropoliteni QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib. Bölgələrdən gələn tələbələrin istifadəsi və dəyişdirilməsi mümkün olmayan kartları ilə bağlı danışan qurum sözçüsü bildirib ki, tələbələr üçün kart dəyişmək müddətin artırılması nəzərdə tutulmayıb:
“Hazırda heç bir stansiyada köhnə kartların istifadəsi ilə bağlı sıxlıq müşahidə edilmir. Tələbələr dərsə başladıqdan sonra yeni “BakıKart” alıb, köhnə metro kartlarının girov dəyəri və balansını yeni karta transfer edə bilərlər. Bunun üçün 15 gün kifayət edəcək. Onu da deyim ki, köhnə metro kartı ilə keçmək istəyən sərnişinlər üçün də stansiyalarda kifayət qədər turniket var və bu turniketlər sentyabrın 30-na qədər fəaliyyət göstərəcək”.
Geri dön