Krımda tatar televiziyası bağlanır
1-04-2015, 12:51. Yazar: admin
Ukraynanın anneksiya olunmuş Krım yarımadasında Krım tatarlarının dilində olan yeganə televiziya kanalı bağlanır.
ATR kanalının rəhbəri Lenur Islyamov martın 31-də jurnalistlərə deyib ki, Rusiyanın media tənzimləyicisi Roskomnadzor ATR-in Rusiya qanunvericiliyinə uyğun qeydiyyatından imtina edib, xeyli texniki səbəb göstərib.
Qeydiyyat üçün son tarix isə martın 31-də bitib. Kanal Ukrayna lisenziyası ilə işləyirdi.
Islyamov deyib ki, telekanalın Krımı tərk etmək, Ukraynanın başqa bir yerindən yayımlanmaq planı yoxdur.
100-dək Krım tatarı martın 31-də ATR-in ofisinə gəlib, dəstəyini bildirib.
Amnesty International tatar dilində yeganə kanalın bağlanmasını azad medianın susdurulması, Krımda tatar icmasının qorxudulması cəhdi kimi dəyərləndirib.
Krımda tatarlar əhalinin 10 faizini təşkil edir.
Geri dön