Müharibə başlasa, döyüşə gedərsinizmi? - VİDEOSORĞU
7-09-2015, 17:38. Yazar: admin
Son zamanlar Müdafiə Nazirliyinin intensiv hərbi təlimlər keçirməsi ilə bağlı xəbərlər mətbuatda yer alır. Ölkədə silahlı qüvvələrin bütün qoşun növlərinin döyüşə hazırolma və döyüş qabiliyyətinin yoxlanılması məqsədilə hərbi oyunlar keçirilir.
Məlumata görə, təlimlərə 65 min nəfərədək şəxsi heyət, 700-dək zirehli texnika, 500-dən çox raket və artilleriya qurğusu qoşulub.
Xatırladaq ki, daha öncə Azərbaycan və Türkiyənin hərbi-hava qüvvələrini birgə keçirdiyi hərbi təlimlər düşmən ölkə tərəfindən də narahatlıqla izlənilib. Paralel olaraq Ermənistanın Azərbaycanla sərhəddə hərbi təlimlərə başlaması haqqında məlumatlar var.
Bütün bunlar hər an müharibə başlayacağı ehtimalı haqqında düşünməyə əsas verir. Yəni müharibə hər an qapını döyə bilər. Bu səbəbdən ordunun döyüş qabiliyyətinin yüksəldilməsi istiqamətində işlər görülür. Bəs, görəsən sadə insanlara müharibənin başlamasına hazırdırlarmı? Cəbhə xəttində savaş başlasa gənclərimiz könüllü olaraq müharibəyə gedərmi? İnsanlarda döyüşə fiziki, texniki, psixoloji hazırlıq nə dərəcədədir?
Bu suallara aydınlıq gətimək üçün musavat.com şəhər sakinləri arasında “Müharibə başlasa, döyüşə gedərsinizmi?” sualı ilə sorğu keçirib. Əsasən gənclərə ünvanlanan sorğuda, vətəndaşlar hər zaman döyüşə hazır olduqlarını bildiriblər.
Daha ətraflı təqdim etdiyimiz videodan izləyə bilərsiniz.
Geri dön