Zakir Fərəcov Sumqayıta başçı gətirildi? - Qardaşından açıqlama
2-09-2015, 16:54. Yazar: admin
Ötən gündən başlayaraq Abşeron rayon İcra Hakimiyyətinin başçısı Zakir Fərəcovun Sumqayıtın icra başçısı təyin olması haqda məlumatlar yayılıb.
Abşeronun icra başçısı Zakir Fərəcovun qardaşı, millət vəkili Nazim Fərəcov AzVision.az-a açıqlamasında deyilənlərə aydınlıq gətirib.
Deputat qardaşı Zakir Fərəcovun Sumqayıta icra başçısı təyin olunmasının prezidentin səlahiyyətində olduğunu deyərək bu haqda rəsmi sərəncamın olmadığını bildirib.
`Cənab prezidentin bu barədə sərəncamı olarsa, ondan sonra nəisə demək olar. Hazırda belə xəbərlərin yayılması əsassızdır. Əgər belə bir təyinat olarsa, rəsmi sərəncam verilər`.
Qeyd edək ki, Zakir Fərəcov 1999-cu ildə keçirilən bələdiyyə seçkilərində iştirak edərək Sumqayıt şəhər bələdiyyəsinin sədri seçilib.
2005-ci ilin avqust ayının 11-də Prezidentin sərəncamı ilə Abşeron rayon İcra Hakimiyyətinin başçısı təyin olunub.
Geri dön