15 yaşlı yeniyetmə qohumunun "07"-si ilə ağır qəza törətdi
12-08-2015, 11:26. Yazar: admin
Lənkəranda yeniyetmə sürücü ağır qəza törədib. ANS PRESS-in məlumatına görə, gecə saatlarında iki VAZ 2107-nin toqquşması ilə nəticələnən avtoqəzada yeniyetmə sürücü ağır yaralanıb. Hazırda onun vəziyyətinin ağır olduğu deyilir.
Hadisə Lənkəran şəhəri Şəhidlər Xiyabanı küçəsindən şəhər istiqamətinə hərəkət edən eyni markalı avtomaşınların toqquşması ilə baş verib.
Şəhər sakini 15 yaşlı Şəhriyar Məmiyevin idarə etdiyi VAZ 2107 markalı avtomaşın 32 yaşlı Anar Məmmədovun eyni markalı maşınının zərbəsinə tuş gəlib. Zərbə nəticəsində hər iki avtomobil yarasız vəziyyətə düşüb. Sürücü Şəhriyar isə ağır bədən xəsarətləri alıb.
Yaralı sürücü hadisə şahidləri tərəfindən Lənkəran rayon mərkəzi xəstəxanasına yerləşdirilib və dərhal cərrahi əməliyyata götürülüb.
Hazırda xəstənin vəziyyətinin ağır olduğu bildirilir. Hadisənin baş vermə səbəblərinə gəlincə, ilkin versiya kimi qəzanın yaxın qohumunun maşınını idarə edən 15 yaşlı Şəhriyarın dönmə əməliyyatını düzgün yerinə yetirməməsindən baş verdiyi deyilir.
Faktla bağlı Lənkəran rayon polis şöbəsində araşdırma aparılır. Qəzanın baş vermə səbəbləri aparılan araşdırma nəticəsində bəlli olacaq.
Geri dön