Obama orduya əmr verdi: avizərbələr endirilsin
3-08-2015, 12:09. Yazar: admin
ABŞ prezidenti Barak Obama Birləşmiş Ştatların iştirakı ilə hazırlanmış Suriyadakı silahlı birləşmələrin müdafiəsi məqsədilə aviasiyadan istifadə edilməsinə icazə verib.
Bu barədə Amerikanın nüfuzlu The Wall Street Journal nəşri məlumat yayıb.
Nəşrin yazdığına görə, sözü gedən qərar Amerika silahlı qüvvələrinin Suriya prezidenti Bəşər Əsəd rejimi ilə birbaşa münaqişəyə daxil olma riskini artırır.
Qərar Amerika hərbçilərinin özünün Suriyadakı müttəfiqlərinə hansı yolla dəstək etməsi barədə bir neçə ay davam edən müzakirələrdən sonra qəbul edilib.
ABŞ administrasiyasının bəzi nümayəndələrinin Pentaqonun Əsəd hökuməti ilə açıq münaqişəyə daxil olması ehtimalı ilə əlaqədar dərin narahatlıq keçirdiyi qeyd edilir.
Aviazərbələr ABŞ-ın müttəfiqləri Suriyanın hökumət qüvvələri və yaxud digər qruplaşmalar tərəfindən hücuma məruz qaldığı təqdirdə endirilə bilər.
2015-ci il 26 iyul tarixində Suriya prezidenti Bəşər Əsəd ölkədə yaranmış vəziyyətin siyasi həllinin olmadığını bəyan edib. Əsədin sözlərinə görə, Suriya böhranının siyasi həlli barədə söhbətlər "boş və mənasızdır". "Bu həlledici bir dövrdür, kompromis həllər mövcud deyil", – deyə prezident bildirib.
Geri dön