Alimlər şəhərciyinin salınacağı yer gizli saxlanır
29-07-2015, 18:07. Yazar: admin
Azərbaycan Milli Elmlər Akademiyasının əməkdaşları və gənc alimlər üçün “Science City” elm şəhərciyinin tikiləcəyi yer artıq məlumdur.
Bu barədə virtualaz.org saytına açıqlamasında AMEA-nın mətbuat katibi Baba Əliyev məlumat verib.
B.Əliyev bildirib ki, şəhərciyin salınacağı yer məlum olsa da bu məlumat hələ açıqlanmır: “Şəhərciyin yeri AMEA-nın noyabr ayında keçiriləcək 70 illik yubileyindən sonra elan ediləcək. Evlərin sayı dəqiq məlum olmasa da müsabiqə şərtləri məlumdur. Evlər tikildikdən sonra şərtlər elan olunacaq və müraciətlər qəbul olunacaq. Daha sonra müraciət edən namizədlərin şərtlərə uyğunluğu yoxlanılıb onlara ev veriləcək”.
B.Əliyev vurğuladı ki, evlərin verilməsində gənc alimlərə üstünlük veriləcək, amma bu, o demək deyil ki, evlərin hamısı gənclərə veriləcək.
Geri dön