Super Kuboka bilet satışınqa qalmaqal (VİDEO)
13-07-2015, 10:26. Yazar: admin
Futbol üzrə UEFA Super kuboku çərçivəsində Tiflisdə keçiriləcək “Barselona” - “Sevilya” oyununun biletləri iyulun 12-i, səhər saatlarından satışa çıxarılıb.
ANS PRESS-in Gürcüstan bürosunun verdiyi məlumatına görə, biletlər Mixeil Mesxi stadionunun kassalarında satılır. Bilet almaq istəyənlər iyulun 10-dan Tiflisin Vake parkında çadırlar quraraq, 50 nəfərlik qruplar şəklində növbəyə durub. Bu qruplar siyahi rəhbəri tərəfindən iki saatdan bir yoxlanılır və eyni adam iki dəfə yerində olmursa o, avtomatik olaraq növbə siyahısından çıxarılır.Növbəyə duranlar arasında yerli azarkeşlərlə yanaşı, azərbaycanlı vətəndaşların da olduğu deyilir. Ölkəmizdən bu matça maraq kifayət qədər çoxdur. Ancaq satış zamanı xüsusən əcnəbi vətəndaşların problem yaşadığı deyilir.
Amma bütün bunlara baxmayaraq satış bir çox problemlərlə müşayiət olunub. İstər təşkilatçıların, istərsə də bilet almağa gələnlərin növbəlilik prinsiplərinə əməl etməməsi qarışıqlığa səbəb olub. Polislə azarkeşlər arasında toqquşma olub. Bilet ala bilməyən vətəndaşlar isə Gürcüstan Futbol Federasiyasının etiraz aksiyası keçiriblər. Aksiya zamanı xəsarət alanların olduğu da deyilir. Artıq bu məqsədlə kassa qarşısına əlavə polis qüvvələri də cəlb olunub.
Bilet satışı zamanı yaşananlar
Final matçının biletləri iyunun 22-də Gürcüstanın “Biletebi.Ge” portalında rəsmi olaraq satışıa başlanılmalıydı. Amma kiber hücumlar və həddindən artıq istifadəçi eyni anda saytda daxil olduğundan yüklənmə baş vermişdi. Məhz bu səbəbdən satış müvəqqəti dayandırılmışdı. Onlayn şəkildə satışı həyata keçirə bilməyən Gürcüstan Futbol Federasiyası UEFA-nın ciddi xəbərdarlığı ilə üzləşmişdi. Bundan sonra biletlərin kassalardan satılması qərara alınmışdı.
Tiflisin "Dinamo" stadionunda baş tutacaq "Barselona" - "Sevilya" matçı avqustun 11-i, Bakı vaxtı ilə saat 23:45-də başlayacaq.
Geri dön