"Aləm gözəl"i hamıdan yaxşı mən oxumuşam" - Könül Kərimova
10-07-2015, 15:41. Yazar: admin
Müğənni Könül Kərimova qalmaqallı “Aləm gözəl” mahnısı ilə bağlı maraqlı açıqlama verib.
Axşam.az-ın məlumatına görə, “Əsl şou”nun qonağı olan ifaçı bəstəni ən gözəl özünün oxuduğunu iddia edib:
“O mahnını hamıdan yaxşı mən oxumuşam. Bu tip bəstələri oxumaya bilmərəm. Ruhən mənə yaxındır. Belə musiqilərlə səhnəyə gəlmişəm. Mahnı ətrafında söz-söhbət çox oldu. Amma mənə toxunmadılar. Qalmaqaldan qaçan adamam. Yazarı var, son sözü o deyir. Mənə başqa problem yaratmadı. Öz aralarında həll etdilər”.
K.Kərimova tələbələrindən də danışıb. O, bir çox ifaçıların tələbələrini qabağa çəkmədiyindən şikayətlənib:
“Müəllimlər var rəsmi dərs deyir, amma istəmir ki, tələbə qabağa getsin, inkişaf etsin. Dərs demək səbəb deyil. Tələbəyə ürəyin yanmalıdır. Günay İbrahimliyə böyük dəstəyim olub. Çox gənc müğənnilərə dəstək göstərmişəm. Hamımız şikayətlənirik ki, səsi olmayanlar günü-gündən çoxalır. Bunların qarşısını almaq üçün istedadlılara dəstək olmalıyıq”.
"Əsl şou"nun aparıcıları Tahirə Məmmədqızı və Tural Ozandır.
Qeyd edək ki, "Aləm gözəl" mahnısı üstündə əməkdar artist Abbas Bağırov və müğənni Ramal İsrafilov arasında qalmaqal yaşanmışdı.
Geri dön