Azyaşlı məhbus Amerika həbsxanasındakı işgəncələrdən danışdı - ŞOK KADRLAR
9-07-2015, 11:24. Yazar: admin
Amerikanın “The Campaign for Youth Justice” təşkilatının dərc olunan hesabatında yetkinlik yaşına çatmış məhbuslar üçün nəzərdə tutulmuş cəzaçəkmə müəssisələrində 10 minə yaxın azyaşlı dustağın saxlanıldığı bildirilir.
FaktXəbər-in verdiyi məlumata görə, azyaşlı dustaqlar tez-tez həm nəzarətçilər, həm də kamera yoldaşları tərəfindən kobud münasibətin qurbanı olurlar.
Bunu 17 yaşında xırda fırıldaqçılığa görə həbsxanaya atılan Ceyminin hekayəsi də təsdiq edir.
Hüquqşünaslar hesab edir ki, belə bir hadisə daha öncə baş verməyib, çünki adətən Amerika məhkəməsi azyaşlıları ictimai işlərə məhkum edir.
Vəkilə yazdığı məktubda cavan qız 2012-ci il iyun ayında baş verən hadisədən danışır: “...Kamerama qaz buraxdılar və məni oradan dartıb çıxardılar. Nəfəs ala bilmirdim, boğulurdum. Öskürməyə başladım və bu zaman tüpürcəyim nəzarətçinin üstünə düşdü. Buna görə o, məni hüquq-mühafizə orqanlarının əməkdaşına hücumda ittiham etdi”.
Mühafizəçilərin dediyinə görə, iyunun 5-də Ceymi qışqıraraq başını divara vururdu. Bu səbəbdən, keşikçilərin başını ağrıdan qızı kameradan çıxarıb hərəkətsiz vəziyyətdə saxlayıblar.
Ceymi danışır ki, bir dəfə o, tualet və duşdan istifadə etməyə icazə verilmədən 4 gün ərzində hərəkətsiz vəziyyətdə saxlanılıb.
Miçiqan Cinayətkarlıq və Qanun Pozuntularına Qarşı Mübarizə Şurasının direktor müavini Kristen Steylinin sözlərinə görə, uşaqlar belə müəssisələrdə saxlanınmamalıdır. O, həmçinin, qeyd edib ki, ABŞ-da illərlə həbsxanalarda yatan azyaşlı məhbuslar var. Kristen onu da vurğulayıb ki, islah müəssisələrinin əməkdaşları tərəfindən edilən seksual təcavüz, zorakılıq və vəzifə səlahiyyətlərindən sui-istifadə etmək kimi hallar da az deyil.
K.Steyli qeyd edir ki, ABŞ cəza sistemindəki cari vəziyyət ölkənin cəzaçəkmə müəssisələrində nəzarətçilərin işlərinə yenidən baxılmasınının zəruri olduğunu bildirir.
Geri dön