ABŞ prezidentliyinə namizəd ölkəsini “zibillik” adlandırdı
7-07-2015, 11:44. Yazar: admin
Meksikadan olan miqrantlar haqqında qalmaqallı fikirləri ilə daim gündəmdə olan ABŞ prezidentliyinə namizəd Donald Tramp yenidən bu məsələyə toxunub.
Publika.az-ın xarici mediaya istinadən verdiyi məlumata görə, Donald Birləşmiş Ştatları meksikalı cinayətkarlar üçün “zibillik” adlandırıb.
Tramp bildirib ki, bu mövzu ilə bağlı əvvəlki bəyanatından imtina etmək niyyətində deyil. Onun sözlərinə görə, Meksika hökuməti, “ən arzu edilməyən adamları” ABŞ-a getməyə məcbur edir. Prezidentliyə namizəd ABŞ-da baş verən cinayətlərin bu insanlar tərəfindən törədildiyini, həmçinin narkotik alverçilərinin çoxunun meksikalı cinayətkarlar olduğunu vurğulayıb.
“Birləşmiş Ştatlar Meksika üçün zibilliyə çevrilib. Güclü yoluxucu xəstəliklər ölkəmizə sərhədimiz vasitəsilə sızır”, - siyasətçi xəbərdarlıq edib.
Tramp həmçinin əmin edib ki, Meksikaya hörmət edir və onun xalqını sevir.
Qeyd edək ki, məşhur əmlak kralı və reality-şou ulduzu Donald Trump ABŞ-da 2016-cı ildə keçiriləcək prezident seçkilərində Respublikaçılar Partiyasından namizəd olacağını rəsmən açıqlayıb.
Geri dön