McDonalds hamburgerindən dırnaq çıxdı
30-06-2015, 11:19. Yazar: admin
"Bunu görəndə dəhşətə gəldim. İnanmaq istəmirdim, amma reallıqdı. Çox iyrəndim, ürəyim bulandı. Reklamlarında özlərini "ən yaxşı" adlandıranların belə əmələ yol verdiklərinə inanmaq istəmirdim".
İngiltərənin paytaxtı London şəhərinin yaxınlığındakı Londonderri bölgəsində, Kolreyn şəhərinin İst Riversayd Park səmtində yaşayan iki övlad anası Lin Riçi belə deyir.
O, övladlarına "mükafat" qismində onları McDonalds fast-fud restoranına aparmışdı.
38 yaşlı Lin Riçi, onun 6 yaşlı qızı Elin, 12 yaşlı qızı Keti və 41 yaşlı əri Corc restoranda idilər.
Restoranda Linin qızı masanın üzərindəki qutudan hamburgeri götürüb yemək istəyib, əti dişləməyə hazırlaşıb. Bu zaman o, hamburgerin içində dırnaq olduğunu görüb.
Elin "Big Mac" hamburgerini masaya atıb və "Ana, buna bax! Dırnaq! İyrəndim!" qışqırıb.
"Restoranın əməkdaşları, menecer gəldilər və olaya görə üzr istədilər. Onlar hamburgerlər üçün ödədiyimiz 16,77 funt-sterlinqi qaytarmağı da təklif etdilər. Razılaşmadıq və restoranı tərk etdik. Bizə deyilənə görə, hamburgerin içindən dırnaq çıxması məsələsi araşdırılır", - L.Riçi söyləyib.
L.Riçinin sözlərinə görə, McDonalds-la bahəm, Kolreyn Şəhər Şurasına şikayət yollayıb.
Geri dön