Göyçay sakinini ilan sancıb - FOTO
23-06-2015, 12:53. Yazar: admin
Göyçay sakini ilan sancma səbəbindən xəstəxanaya yerləşdirilib.
APA-nın yerli bürosunun xəbərinə görə, hadisə rayonun Bığır kəndində qeydə alınıb. Kənd sakini, 1961-ci il təvəllüdlü İsmayılov Gülağa Həmidulla oğlu fərdi təsərrüfat sahəsində kənd təsərrüfatı işləri ilə məşğul olarkən ehtiyatsızlıq edib və ərazidəki gürzə onu sancıb. Gülağa İsmayılov təcili olaraq Göyçay Mərkəzi rayon Xəstəxanasının travmatologiya şöbəsinə yerləşdirilib və ona zərdab vurulub. Həkimlərin səyi nəticəsində onun vəziyyəti yaxşılaşıb.
Qeyd edək ki, rayonda bir neçə gün əvvəl daha bir nəfər ilan sancması səbəbindən xəstəxanaya yerləşdirilmişdi. Havaların həddindən artıq isti keçməsi və kənd sakinlərinin əkin sahələrində işləməsi ilan vurma hallarının artmasına səbəb olub.
Geri dön