Rəsulzadənin Gəncədəki büstünün üzərinə gül qoymağa imkan verilməyib
29-05-2015, 12:53. Yazar: admin
Azərbaycan Xalq Cumhuriyyətinin qurucusu Məmməd Əmin Rəsulzadənin Gəncə şəhərindəki büstünün qarşısına gül dəstəsi qoyulmasına icazə verilməyib.
Avropa.info xəbər verir ki, bu gün AXCP və Müsavat partiyasının yerli şöbəsinin üzvləri Respublika Günü münasibəti ilə Rəsulzadənin Gəncə şəhəri Dəmirolçular parkında yerləşən büstünün qarşısına toplaşmaq istəsələr də, şəhər polisi buna icazə verməyib.
Polis müxalifətçilərə parkda təmir işlərinin davam etdirildiyini və Rəsulzadənin büstünün də restavrasiya olunduğunu qeyd edərək, tədbirin keçirilməsini müvafiq saymayıb.
Qeyd edək ki, uzun müddətdir ki, Rəsulzadənin Gəncə şəhəri Dəmiryolçular parkında yerləşən büstünün üzərinə ağ parça keçirdilib.
Geri dön