Türkiyədə prezident seçkisinin ikinci turu: Qayda necədir? - İZAH
15-05-2023, 13:42. Yazar: admin
Türkiyədə keçirilən prezident seçkisinin nəticələrinin yekunu elan olunmayıb. Ancaq seçki nəticələrinin ikinci tura qalacağı ehtimalları çoxdur.
Çünki Türkiyə Prezidenti Rəcəb Tayyib Ərdoğan seçkidə öndə olsa da, o, lazım olan baryeri (50%+1 səs) hələ aşmayıb.
Onun rəqibi Kemal Kılıçdaroğlu isə səs fərqi və faizi ilə geridədir, lakin bu da hələ onu məğlub etmir. İndi əsas diqqət digər namizəd Sinan Oğandadır. İkinci tura gedilərsə, onun mövqeyi və seçdiyi tərəf seçkinin nəticələrini həll edəcək.
Beləcə, seçkinin ikinci turunda ən çox səs qazanan iki namizəd yarışır. Bu turda ən çox səs alan namizəd Türkiyənin 13-cü prezidenti seçiləcək.
İkinci turda seçicilər, birinci turda olduğu kimi, səs verdikləri sandıqlarda təkrar səs verirlər. İkinci turda birinci turda səs verməyən vətəndaşlar da səs vermək hüququna sahibdirlər.
Qeyd edək ki, Türkiyə qanunvericiliyinə görə, əgər ikinci turda iştirak haqqı qazanan namizədlərdən biri ölərsə və seçilmək hüququnu itirərsə, onda vəziyyət bir qədər dəyişir.
Onda ikinci tur birinci səsvermədə sıraya uyğun olaraq vakant namizədin dəyişdirilməsi ilə keçirilir.
İkinci tura tək namizədlə gedilirsə, bu zaman səsvermə referendum şəklində təşkil edilir, yəni seçicilər “hə”, ya “yox” seçimini edirlər.
Geri dön