Azərbaycan, Gürcüstan, Rumıniya və Macarıstan “yaşıl enerji” üzrə saziş imzalayacaq
16-12-2022, 15:35. Yazar: admin
Rumıniyanın paytaxtı Buxarestdə Azərbaycan Respublikası, Gürcüstan, Rumıniya və Macarıstan hökumətləri arasında “yaşıl enerji”nin inkişafı və ötürülməsi sahəsində strateji tərəfdaşlıq haqqında saziş imzalanacaq.
APA-nın Tbilisi müxbiri xəbər verir ki, məlumatı Gürcüstanın hökumət administrasiyası yayıb.
Bildirilib ki, bununla əlaqədar Baş nazir İrakli Qaribaşvili artıq Rumıniyaya işgüzar səfərə yola düşüb.
Qaribaşvilinin “Yaşıl enerji”nin inkişafı və paylaşılmasında strateji tərəfdaşlıq” adlı plenar iclasda iştirak edəcəyi qeyd olunub.
İmzalama mərasimində Avropa Komissiyasının Prezidenti Ursula von der Leyen və Rumıniya Prezidenti Klaus Verner Yohannis də iştirak edəcək.
Geri dön