Aİ Azərbaycan-Ermənistan sərhədində gərginlikdən narahatdır
12-01-2022, 12:46. Yazar: admin
Avropa İttifaqı (Aİ) Azərbaycan-Ermənistan sərhədindəki gərginlikdən narahatdır.
APA-nın xəbərinə görə, bu barədə Aİ-nin Cənubi Qafqaz və Gürcüstan böhranı üzrə Xüsusi Nümayəndəsi Toivo Klaar "Twitter"də bildirib.
“Ermənistan-Azərbaycan sərhədində insidentlərin və itkilərin yenidən baş verməsi ilə bağlı xəbərlərdən dərin narahatlıq keçiririk. Tərəflər üçün gərginliyin azaldılması və mövcud mexanizmlərdən, xüsusən də 2021-ci ilin noyabrında Aİ-nin himayəsi altında yaradılmış Müdafiə Nazirlikləri arasında “qaynar xət”dən tam istifadə edilməsi vacibdir”, - Toivo Klaar qeyd edib.
O vurğulayıb ki, Aİ tərəflərlə əməkdaşlığa hazırdır. Xüsusi nümayəndə Aİ-nin Ermənistan-Azərbaycan dövlət sərhədinin delimitasiyası və demarkasiyasına dair dəstəyini bir daha bəyan edib.
Qeyd edək ki, ötən gün Ermənistan silahlı qüvvələrinin törətdiyi təxribat nəticəsində Azərbaycan Ordusunun hərbçisi şəhid olub.
Geri dön