Xaricdən Ermənistana göndərilən döyüş "ianələri"
8-05-2015, 14:55. Yazar: admin
Rusiyaya iqtisadi təzyiqlər prizmasında günü-gündən zəifləyən Ermənistan hazırda xaricdən maliyyə vəsaiti cəlb etmək istiqamətində fəaliyyətini artırır.
Avropa.info Regional Sabitlik və Təhlükəsizlik Mərkəzinə istinadla xəbər verir ki, ölkənin əsas iqtisadi və sosial sahələri öz istiqamətləri çərçivəsində xaricdə yaşayan ermənilərdən ianələr xahiş etməkdədirlər. Bu günlərdə Ermənistan portallarından olan “Info@armenian_military_portal” bəyanat yayaraq Ermənistan ordusuna kömək etmək məqsədi ilə pul yığma kampaniyası təşkil edib. Xalqın inamını qazanmaq üçün bu işi məşhur kinorejissor və senarist Arşak Zakaryan öz üzərinə gütürdüyünü bəyan edib.
Qeyd edək ki, belə kampaniyalar ermənilərin yaşadığı xarici ölkələrdə də məşhur şəxslərin dəstəyi ilə təşkil olunur. İanələr həm pul şəklində, həm də hərbi avadanlıq şəklində toplanaraq bir başa ünvana göndərilir. Qəribə hal odur ki, hərbi avadanlıqların Erməsitana xaricdən hansı yollarla göndərildiyi diqqətdən kənarda saxlanılır. Bu gün təhlükəsizlik məsələlərində öndə gedən Qərb ölkələrinin nə səbəbə öz sərhədlərini erməni diasporuna açması qərb ictimayəti və beynəlxalq təşkilatların nəzərindən yayınmaqdadır.
Aşağıdakı videoda erməni ordusuna xaricdən göndərilən hədiyyələrin bir neçəsi təqdim edilir. Onlardan bəziləri açıq şəkildə nümayiş olunur, bəziləri isə gizli saxlanılır.
Geri dön