Facebook telefon zənglərini müəyyən edən vasitə yaradıb
24-04-2015, 13:11. Yazar: admin
Facebook şirkəti smartfonlar üçün telefonun daxilolan nömrəsinə əsasən zəngedənin şəxsiyyətini müəyyənləşdirən vasitə yaradıb.
SalamNews-un TASS-a istinadla verdiyi xəbərə görə, “Hello” adı altında tətbiqetmə ABŞ bazarına buraxılıb.
NBC teleşirkətinin qeyd etdiyi kimi, yeni tətbiqetmə smartfon və ya mobil telefon sahibinə xoşagəlməz həmsöhbət və ya arzuolunmaz danışıqdan yayınmağa imkan yaradır. “Bu gün
əgər müvafiq telefon nömrəsi smartfon yaddaşına daxil edilibsə,zəng edənin şəxsiyyətini təyin etmək imkanı var. Facebook sosial şəbəkələrdəki ünvanların analizi üzrə daxil olan zəngin sahibini avtomatik müəyyənləşdirən proqram yaratmaqla bu sahəni genişləndirib”,- deyə telekanal qeyd edir.
Hazırda tətbiqetmə ABŞ-ın müxtəlif şəhərlərində könüllülərə təklif edilir. Effektivliyini nümayiş etdirərsə və istifadəçilər onun barədə müsbət fikir söyləsələr, o vaxt “Hello” digər ölkələrdə də tətbiq olunacaq.
Geri dön