Gürcülər Gəncədə ev yardı
17-04-2015, 17:38. Yazar: admin
Gəncədə evdən külli miqdarda qızıl və pul oğurlayan şəxslər tutulub.
Axar.az Daxili İşlər Nazirliyinin rəsmi saytına istinadən xəbər verir ki, Nizami (Gəncə) RPİ əməkdaşlarının həyata keçirdikləri əməliyyat-axtarış tədbirləri nəticəsində martın 17-də Nail Əsgərovun evindən 10 min ABŞ dolları, 10 min manat dəyərində qızıl əşyalar, 3 ədəd mobil telefon, geyim və məişət əşyaları oğurlayan Gürcüstan vətəndaşları Qriqori Kuraşvili, Nika Bumbeşvili və Qiyantsa Salakadze tutulub.
Polis faktla bağlı araşdırmalara başlayıb.
**
Digər bir oğurluq hadisəsi isə Bakıda baş verib.
Nəsimi RPİ 21-ci PB əməkdaşlarının həyata keçirdikləri əməliyyat-axtarış tədbirləri nəticəsində aprelin 4-də Suriya vətəndaşı Said Almohammada məxsus noutbuku oğurlayan Türkmənistan vətəndaşı Ağabala Rzayev tutulub.
Aparılan əməliyyat tədbirləri ilə onun aprelin 5-də İran vətəndaşı Murad Əlizadə-Yeganiyə məxsus noutbuku, habelə aprelin 15-də isə Salyan sakini Əhməd Məmmədovun mobil telefonunu oğurladığı müəyyən edilib.
Geri dön