İcra başçısı satır, ağac qatilləri də ağac qalmır kəsir... (Foto)
11-04-2015, 11:25. Yazar: admin
Məmurlar prezident İlham Əliyevin Bakıda ağacların qırılmasını kəskin pisləyən şifahi xəbərdarlığına məhəl qoymamaqda, dövlət başçısının bu göstərişlərinin ziddinə getməkdə davam edir
Məmurların prezidentin “ağacları kəsməyin” tapşırığının əksinə getdiyini, hələ də ağacları kəsməklə məşğul olduğunu göstərən faktları təqdim etməkdə davam edirik. Daha bir fakt...
Aprelin 10-da paytaxtın Nizami rayonunda - Qara Qarayev prospekti, 30/42 ünvanında daha bir yaşıllıq məhv edilib. Səbəb inanılmazdır: Nizami rayonunun icra başçısı Tahir Budaqov prezidentin tapşırıq və göstərişlərinin əksinə olaraq bu ünvanda nə qədər yaşıllıq, ağac varsa, hamısının köklü-budaqlı məhv edilməsinə razılıq verib. Daha dəqiq desək, yaşıllıq olan əraziləri orada tikinti işləri aparmağa hazır dayanan şəxslərə satıb. Onlar da bu sahələri alıb və işə başlayıb.
Virtualaz.org saytı bu faktla bağlı Ekologiya və Təbii Sərvətlər Nazirliyinin mövqeyini öyrənməyə çalışacaq. Hələliksə fotolara baxaq.
Prezidentin görmək istəmədiyi mənzərəni təqdim edirik:
Geri dön