İŞİD üzvləri Mosulda müalicə etməkdən boyun qaçıran 10 həkimi güllələyiblər
9-04-2015, 12:47. Yazar: admin
"İslam Dövləti" (İŞİD) terror təşkilatının silahlıları İraqın Mosul şəhərinin cənubunda yerləşən Həmmam Əlil bölgəsində Təşkilat yaralılarının müalicəsindən imtina edən 10 həkimi güllələyiblər.
SalamNews-un "Sumaria" agentliyinə istinadla verdiyi xəbərə görə, bu barədə Mosul şəhərindəki yerli mənbələr məlumat veriblər.
İŞİD-in cinayətləri bununla bitməyib; terrorçular iki gün əvvəl 2000 yaşı olan Mosul qalasının divarlarını partladıblar.
"Sumaria"nın digər məlumatına əsasən, Mosulda "Prezident qəsrləri" adlanan binalardan beşi partladılmaq üçün minalanıb.
Yeri gəlmişkən, İraqın vitse-prezidenti Usamə ən-Nuceyfi Neynəva əyaləti və onun inzibati mərkəzi olan Mosulun İŞİD-dən azad edilməyi ilə bağlı mühüm məlumatlar verib.
O deyib ki, hazırda Neynəvada İŞİD-in 5 min üzvü var. Onların bir qismi əcnəbidir.
İraq rəsmisi könüllü şiə briqadalarının bu əməliyyatda iştirak etməyəcəyini bildirib.
Geri dön