Rusiyada azərbaycanlılar "iş başında" yaxalandı
9-04-2015, 11:43. Yazar: admin
Rusiyada avtomobil oğurlamış azərbaycanlılar saxlanılıb.
ANS PRESS-in məlumatına görə, Sankt-Peterburq polisləri Rusiya Federasiyasının İstintaq komitəsinə aid olan nəqliyyat vasitəsinin oğurlanması ilə bağlı faktın üstünü açıb.
Polislər geniş araşdırmalardan sonra cinayətkar dəstəsinin izinə çıxıb. Hüquq mühafizə orqanları oğruları izləyərək onları iş başında, avtomobil oğurlayan zaman yaxalayıb.
Şübhəli şəxsləri Neva rayonunun polis bölməsinə gətiriblər. İstintaq zamanı məlum olub ki, bu cinayətin törədilməsində şübhəli bilinən şəxslərdən biri Azərbaycan vətəndaşı, digər iki nəfər isə Azərbaycan əsilli Rusiya vətəndaşları olub. Saxlanılanların 18-20 yaşlı gənclər olduğu bildirilib.
Hüquq mühafizə orqanları güman edir ki, cinayət başında tutulmuş azərbaycanlılar 10 avtomobil oğurluğu həyata keçiriblər.
Geri dön