Baş Prokurorluğun qarşısında aksiya (Foto)
9-04-2015, 11:28. Yazar: admin
Tovuzun Əyyublu kəndində G.N. adlı qızı zorlamaqda ittiham edilən 4 nəfərdən biri - Elməddin Niyazovun ailəsi və yaxınları (20 nəfərə yaxın şəxs) Baş Prokurorluğun qarşısında aksiya keçirir.
Lent.az-ın əməkdaşının verdiyi məlumata görə, E. Cəfərovun yaxınları işə düzgün baxılmasını və baş prokuror tərəfindən onların qəbul edilərək, şikayətlərini dinləmələrini tələb ediblər. “Artıq Elməddinin yaxınlarından 4 nəfər şikayətlərini dinləmək üçün prokurorluğa dəvət edilib.
Qeyd edək ki, Tovuz rayonunda 20 yaşlı qız cinsi təcavüzə məruz qalıb. Əyyublu kənd sakini olan, 20 yaşlı G.N 4 nəfər həmkəndlisi tərəfindən zorlanması ilə bağlı Tovuz Rayon Polis Şöbəsinə müraciət edib. Dərhal müraciət əsasında araşdırmalara başlanılıb və 4 nəfər saxlanılaraq şöbəyə gətirilib. Fakta görə cinayət işi açılıb və həmin şəxslər barəsində həbs-qətimkan tədbirinin seçilməsi üçün rayon məhkəməsinə göndərilib. Tovuz rayon Məhkəməsi gənc qızı zorlamaqda şübhəli bilinən şəxslər barəsində həbs qərarı çıxarmayıb və onların polis nəzarətində olmasını məqbul sayıb.
Fakta görə başlanmış cinayət işinin istintaqı davam etdirilir.
Geri dön