AZTV-dəki istefaların təfərrüatları...
8-04-2015, 17:30. Yazar: admin
Azərbaycan Televiziya və Radio Verilişləri Qapalı Səhmdar Cəmiyyətində istefaların səbəbi məlum olub
Etibar Babayev və onun komandasının istefasına səbəb yeni təyin olunan baş direktor Elsevər Dünyamalıyevdir.
Vəzifəyə təyin olunan kimi yeni baş direktor AzTV-nin bədii rəhbəri, rejissoru, əməkdar incəsənət xadimi Etibar Babayevdən Novruz bayramı ilə əlaqədar aparılmış çəkilişlərin smeta sənədlərini və hesabat istəyib. Bununla razılaşmayan Etibar Babayev ərizəsini yazaraq işdən ayrılıb.
Elsevər Dünyamalıyev isə bu barədə sədrə məruzə edib. Arif Alışanov isə məsələyə "prokurorluğa cavab verər" deyə münasibət bildirib.
Xatırladaq ki, AzTV-nin 4 əməkdaşı - kanalın bədii rəhbəri, rejissoru, əməkdar incəsənət xadimi Etibar Babayev, tanınmış rejissor Elnur Məmmədov, "Səhər” musiqili informasiya proqramının baş rejissoru Rəsul Ələkbərov və montajçı Feyzulla (soyadı göstərilmir -red.) öz ərizələri ilə işdən çıxıb.
Daha sonra AzTV-nin sədri Arif Alışanov, Elsevər Dünyamalıyevin səlahiyyətlərinin artırılması ilə bağlı əmr verib. Əmrə əsasən, E.Dünyamalıyev aprelin 7-dən etibarən AzTV, “Mədəniyyət” və “İdman Azərbaycan” kanallarında baş direktor vəzifəsində çalışacaq. (sivil.az)
Geri dön