Rəşad Məmmədov həbs müddətinin uzadılmasından apelyasiya şikayəti verdi
14-12-2015, 16:22. Yazar: admin
Dövlət Bayrağı Meydanı Kompleksi İdarəsinin həbsdə olan sabiq rəisi Rəşad Məmmədov Səbail Rayon Məhkəməsi tərəfindən barəsində seçilmiş həbs qətimkan tədbirinin daha 3 ay müddətinə uzadılmasından apelyasiya şikayəti verib. Bu barədə Trend-ə R.Məmmədovun vəkili Akif Əlizadə məlumat verib.
Onun sözlərinə görə, məhkəmə qərarından hazırlanmış apelyasiya şikayəti bu gün məhkəməyə təqdim olunub.
Qeyd edək ki, R.Məmmədov bu il may ayının 12-də saxlanılıb və onun barəsində Səbail Rayon Məhkəməsinin qərarı ilə 3 ay müddətinə həbs qətimkan tədbiri seçilib. Sonradan onun barəsində seçilmiş həbs qətimkan tədbirinin müddəti daha 3 ay müddətinə uzadılıb. Ona Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi il cinayət işi açılıb.
R.Məmmədov hazırda Milli Təhlükəsizlik Nazirliyinin istintaq təcridxanasında saxlanılır.
Geri dön