`Dini radikalizmə qarşı mübarizə aparılmalıdır`
7-12-2015, 17:44. Yazar: admin
“Dini radikalizmə və dini ekstremizmə qarşı mübarizəni həm hüquqi, həm də ideoloji baxımdan ardıcıl aparmalıyıq”.
AzVision.az xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib. Onun sözlərinə görə, dini ekstremizmə qarşı maarifləndirmə sahəsində əhəmiyyətli işlər görülməlidir.
“Maarifləndirmə istiqamətində işi Dini Qurumlarla İş üzrə Dövlət Komitəsi, o cümlədən digər humanitar sahədə olan qurumlar aparmaqdadır. Eyni zamanda dini maarifləndirmə ilə əlaqədar Qafqaz Müsəlmanları İdarəsi də bizimlə birgə geniş fəaliyyət göstərir”.
Komitəsi sədri deyib ki, dini maarifləndirmədə əsas məqsəd islamı dəyərləri olduğu kimi insanlara çatdırmaqdır.
“Məqsədimiz ənənəvi islamın dəyərləri barədə gənc nəsilə geniş məlumat verməkdir. Eyni zamanda müxtəlif ictimai-siyasi qurumlarla birgə tədbirlər keçirməkdir. Məqsədimiz də dini radikalizm və ekstremizmlə bağlı məsələləri müzakirə etmək və bununla bağlı fikirlərimizi ictimai rəyə çatdırmaqdır”.
Geri dön