Türkiyədə prokuror Mehmet Səlim Kirazın qətlə yetirilməsi əmrini verən DHKP-C terror təşkilatının liderlərindən olan Hüseyin Fevzi Tekinin Türkiyənin sabiq prezidenti Əhməd Necdət Sezər tərəfindən əvf olunduğu məlum olub.
Avropa.info xəbər verir ki, 2003-cü ildə həbsxanada olan Hüseyin Fevzi Tekin aclıq aksiyası keçirdiyi üçün "Wernicke-Korsakoff" xəstəliyinə tutulduğu səbəbilə Əhməd Necdət Sezər tərəfindən əvf olunan DHKP-C təşkilatı üzvlərinin arasında olub.
Həbsdən azad edilmə səbəbi kimi sənədlərdə həkimlərin ona verdiyi xəstəlik rəyi göstərilmişdi. Həmin rəydə Tekinin ayaq üsdə dura bilməyəcək qədər xəstə olduğu göstərilirdi.
Amma DHKP-C-nin həmin ilin may ayının birində keçirilən etiraz aksiyalarında Tekin ən ön sıralarda yer alırdı.
