Azərbaycanda 10 növ “uşaq pulu” verilir: - Amma bütün uşaqlara yox
20-12-2021, 11:37. Yazar: admin
Hazırda Azərbaycanda 10 növ uşaq müavinəti (“uşaq pulu”) ödənilir.
Vertikal.az cebhe.info-ya istinadən xəbər verir ki, bu barədə hüquq müdafiəçisi Sahib Məmmədov deyib. O bildirib ki, bunlar aşağıdakılardır:
- Sağlamlıq imkanları məhdud 18 yaşadək uşaqlar (ayda 150 manat + 50 manat qulluğa görə);
- Beşdən çox uşağı olan qadınların uşaqları (hər uşağa görə 55 manat);
- Müddətli həqiqi hərbi xidmət qulluqçularının uşaqları (hər uşağa 100 manat);
- Yeni doğulan uşaqlara görə birdəfəlik müavinət ödənilir (200 manat);
- Ailə başçısını itirmiş ailələrin üzvlərinə aylıq sosial müavinət (hər ailə üzvünə aylıq 80 manat) və ya əmək pensiyası ödənilir ki, onların 95 faizdən çoxu uşaqlardır;
- Valideynlərini itirmiş və valideyn himayəsindən məhrum olmuş uşaqların qəyyumları (himayəçiləri) aylıq sosial müavinətlə təmin edilirlər (hər uşağa 100 manat);
- Aztəminatlı (ünvanlı dövlət sosial yardımı alan) ailələrin 1 yaşadək uşaqları (hər uşağa 50 manat);
-Ünvanlı Dövlət Sosial Yadımı alan ailələrdə bir yaşına qədər olan uşaqlar üçün (UDSY+50 manat)
və s.
Ekspert bu ödənişlərin təkmilləşdirlməsi, bəzilərində yaşın və məbləğın artırlması təklifləri ilə davamlı çıxış etdiyini deyib:
“Amma "uşaq pulu" deyib hay-küy salanların heç birindən ciddi təklif görməmişəm. Məncə hökumətə ciddi təkliflər vermək lazımdır. Əlbəttə mövcud müavinət sistemini tənqid etmək də öz yerində. Bu halda konstruktiv yanaşma olur”.
Geri dön