“Nar” komandası “Breyn Rinq” yarışının yarımfinalına çıxdı
18-05-2021, 12:05. Yazar: admin
“Nar”ın baş sponsorluğu ilə yayımlanan “Breyn Rinq” intellektual yarışının 17-ci mövsümünün ilk yarımfinalçılarının adı məlum olub. ¼ finalda “Nar” və “Norm Sement” komandaları arasında gedən gərgin mübarizə nəticəsində “Nar” komandası qalib gələrək, yarımfinala vəsiqə qazanıb. Beləliklə, “Nar” kuboku uğrunda “Nar” və “Şəki” komandaları, eyni zamanda daha iki qalib komanda yarışacaq.
Qeyd edək ki, bilik yarışının builki mövsümündə respublikanın 6 bölgəsi və 6 ali məktəbini təmsil edən 16 seçilmiş komanda olimpiya sistemi üzrə mübarizə aparır. Qeyd edək ki, yarış hər həftənin cümə günü saat 22:00-da İctimai Televiziyada yayımlanır. Televiziya tamaşaçılarının yarışlara olan marağını daha da artırmaq məqsədilə hər il olduğu kimi bu il də “Nar”ın “Twitter” səhifəsində yarış keçirilir.
“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. “Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. “Nar” şəbəkəsi hazırda 8700-dən artıq baza stansiyası ilə 2,3 milyondan çox abunəçiyə yüksək keyfiyyətli xidmət göstərir.
Vertikal.az
Geri dön