Sumqayıt şəhər bələdiyyəsinin sədri istefa verib
20-01-2021, 16:19. Yazar: admin
Sumqayıt şəhər bələdiyyəsinin sədri Sultan Əsədov vəzifəsindən istefa verib.
APA-nın yerli bürosunun məlumatına görə, 64 yaşlı S. Əsədov bir neçə gün əvvəl istefa ərizəsi yazıb.
S. Əsədov APA-ya açıqlamasında istefa ərizəsi yazdığını təsdiqləyib: “Səhhətimdə yaranan proqlemlərlə bağlı sədr vəzifəsindən istefa verəsi oldum. Müalicəyə ehtiyacım var”.
O, 2016-cı ilin aprel ayından Sumqayıt bələdiyyəsinə sədrlik edirdi. S. Əsədovdan əvvəlki sədr olan Əbülfəz Babayev də istefa verərək vəzifəsindən getmişdi.
Sədr vəzifəsi müvəqqəti olaraq bələdiyyənin sədr müavini Sərviz Süleymanova tapşırılıb.
Qeyd edək ki, Sumqayıt şəhər bələdiyyəsinin 19 üzvü var. Onlardan biri, sədr müavini olan Musa Həsənov bu yaxınlarda koronavirusdan dünyasını dəyişib.
Geri dön