Müəllimlərin işə qəbulu üzrə müsabiqənin keçirilməsi üçün yerlər müəyyənləşib
16-07-2020, 15:05. Yazar: admin
“Müəllimlərin işə qəbulu üzrə müsabiqənin təxminən 17 şəhər və rayonda 29 mərkəzdə keçirilməsi üçün yerlər müəyyənləşib”.
Oxu.Az xəbər verir ki, bunu Təhsil Nazirliyinin İnsan resursları şöbəsinin müdiri Eşqi Bağırov müəllimlərin işə qəbulu üzrə müsabiqədən danışarkən deyib.
E.Bağırovun sözlərinə görə, hazırda qeyd edilən rəqəmlərin dəyişməsi gözlənilir:
“Həmin rayonlarda namizədlərin imtahana gediş-gəliş məsələsi ilə bağlı araşdırmalar aparılır. Test imtahanının keçirilməsinə bir neçə gün qalmış, yəni qeydiyyat başa çatana yaxın namizədlərin şəxsi kabinetinə yerlərlə bağlı ətraflı məlumat göndəriləcək”.
Müsabiqədə iştirak etmək istəyən namizədlər miq.edu.az saytında qeydiyyatdan keçməlidirlər.
Xatırladaq ki, bu gündən etibarən Təhsil Nazirliyi sisteminə daxil olan ümumi təhsil müəssisələrinə müəllimlərin işə qəbulu üzrə elektron ərizələrin qeydiyyatı başlayıb. Qeydiyyat prosesi iyulun 25-dək (son tarix daxil olmaqla) davam edəcək.
Geri dön