“Sülh danışıqları elə bərbad vəziyətdədir ki...” - Qarabağa lokal zərbələr ENDİRMƏLİYİK
30-05-2020, 11:28. Yazar: admin
“Danışıqlar masasında Lavrovun açıqladığı nizamlanma prinsipləri aktuallığını saxlayır. Dünən prezident İlham Əliyev bu prinsiplərə yenidən toxundu...
Rusiya xarici işlər naziri Sergey Lavrov masada olan prinsipləri açıqlamqla Paşinyanı daxili siyasi opponentlərinə satdı və bunu qəsdən elədi. Rusiyanın məqsədi Paşinyanı hakimiyətdən tezliklə uzaqlaşdırmaqdır”.
Modern.az-ın məlumatına görə, bunu hərbi icmalçı, ehtiyatda olan polkovnik-leytenant Nazim Bayram Qarabağ probleminin həlli istiqamətində aparılan danışıalara münasibət bildirərkən deyib.
“Nəzərə alsaq ki, diplomatiyada deyilməyən söz çox vaxt deyiləndən daha qiymətlidir. Lavrov təcrübəli diplomat kimi "Güc tətbiq etməmək" ifadəsinin davamını gətirmədi. Rusiya Paşinyanı həm daxildən, həm Azərbaycanın əliylə (hərbi təhdidləri ilə) zəiflətmək istəyir.
Doğrudur, hakimiyəti itirmək üçün və Azərbaycanın hərbi təhdidləri üçün Paşinyan özü də az etmir. Həm Qarabağ mövzusunda məsuliyətsiz çıxışları ilə, həm də onun Ermənistanı bir sahilə çıxara bilməyəcəyi ermənilərə artıq tam aydın olub. Erməni siyasi meydanında hazırda Paşinyana yeni alternativin formalaşması prosesi sürətlə gedir”,-deyə N.Bayram əlavə edib.
Lavrovun açıqladığı nizamlanma prinsiplərini şərh edən hərbi icmalçı deyib:
“1. Güc tətbiq etməmə.
2. Azərbaycanın ərazi bütövlüyü.
3. Qarabağ ermənilərinin özünütəyin etmə hüququ.
Yəni Azərbaycan güc tətbiq etmir, ATƏT-in Minsk qrupu Qarabağı Azərbaycanın tərkibində saxlayır, ermənilərə muxtariyat verilir.
Ardıcıllığa baxsaq, bunlar prisiplərdən daha çox Rusiyanın və Minsk qrupunun tərəflərə qarşı irəli sürdükləri şərtlərdir. Güc tətbiq etməmək şərtinin birinci yerdə olması, Azərbaycan güc tətbiq etsə, digər şərtlər qüvvəsini itirəcək anlamına gəlir.
Azərbaycan güc tətbiq etmirsə?.. Münaqişənin həlli sonsuza qədər uzanır. Başqa sözlə, münaqişə Rusiyaya sərf etdiyi şəkildə - dondurulmuş vəziyətdə qalır. Beləliklə, Rusiyanın regiondakı siyasətinin əsasları dəyişməyib.
Odur ki, eyforiyaya qapılmağa, kənardan "dobro" gözləməyə əsas yoxdur. Azərbaycan münbit şəraitdən istifadə edib, xalqa söykənib, müstəqil qərarı ilə torpaqlarını azad etməlidir. Hələlik tammiqyaslı müharibə edə bilmiriksə, Qarabağda strateji hədəflər seçilib, nöqtəvi zərbələr endirməyin vaxtı gəlib. Danışıqlarda Paşinyanın və Ermənistan XİN-in inkarçı mövqeyi dünya birliyinin gözündə belə zərbələrə bərait qazandırır - sülh danışıqları elə bərbad vəziyətdədir ki, nöqtəvi hərbi zərbələr danışıqlara ziyan vura bilməz, əksinə, ermənilərin ağlını başlarına gətirər”.
Geri dön