KİV: "Barselona" Kike Setyeni istefaya göndərib
15-08-2020, 10:09. Yazar: admin
"Barselona" baş məşqçi Kike Setyeni istefaya göndərib.
Apasport.az saytının məlumatına görə, bu iddia ilə İspaniya mətbuatı çıxış edib.
İstefaya səbəb komandanın 2019/20 mövsümünü titulsuz başa vurması göstərilib. Çempionlar Liqasının 1/4 final mərhələsində "Bavariya"ya böyükhesablı məğlubiyyət (2:8) rəhbərliyin səbir kasasını daşırıb. Bu üzdən kataloniyalıların 61 yaşlı mütəxəssisi qovmaq qərarına gəldiyi bildirilib. Tezliklə qərar elan ediləcək və "Barsa"nı növbəti mövsüm başqa mütəxəssis çalışdıracaq.
Qeyd edək ki, "Bavariya" ilə qarşılaşmadan sonra klub prezidenti Xosep Bartomeu ciddi dəyişikliklər ediləcəyini bildirib.
Geri dön