Bakıda açıq sahədə yanğın - YENİLƏNİB
19-08-2020, 17:31. Yazar: admin
Bakı şəhəri, Binəqədi rayonu, Binəqədi qəsəbəsində açıq sahədə başlayan yanğın söndürülüb.
Bu barədə Oxu.Az-a Fövqəladə Hallar Nazirliyinin mətbuat xidmətinin rəisi Gülçin Mehdiyeva məlumat verib.
Onun sözlərinə görə, ərazidə yanğın olması ilə bağlı daxil olan məlumat əsasında Nazirliyin Dövlət Yanğından Mühafizə Xidmətinin yanğından mühafizə bölmələrinin əməkdaşları sözügedən ünvana yollanıb:
“Yanğın qeydə alınan ərazinin yaxınlığında neft buruqları olub. Əməkdaşlarımız tərəfindən yanğın tam söndürülüb və yanğının yaxınlıqdakı neft buruqlarına keçməsinin qarşısı alınıb”.
16:57
Bakı şəhəri, Binəqədi rayonu, Binəqədi qəsəbəsində açıq sahədə yanğın başlayıb.
Bu barədə Fövqəladə Hallar Nazirliyinin “112” qaynar telefon xəttinə məlumat daxil olub.
Bildirilib ki, nazirliyin Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb edilib.
Hazırda yanğınsöndürmə işləri davam etdirilir.
Əlavə məlumat veriləcək.
Geri dön