Qazaxda minik avtomobili TIR-a çırpılıb, xəsarət alanlar var
12-07-2020, 16:49. Yazar: admin
Qazaxda xəsarətlə nəticələnən yol qəzası olub.
"Report"un Qərb Mərkəzinin məlumatına görə, hadisə Bakı-Qazax-Gürcüstan avtomobil yolunun Yuxarı Salahlı kəndindən keçən hissəsində qeydə alınıb.
"Opel" markalı avtomobilin "TIR" yük maşınına çırpılması nəticəsində, Gəncə şəhər sakini, 1992-ci il təvəllüdlü Anar Məmmədov və daha bir nəfər xəsarət alıb. Hər iki yaralı Qazax rayon Müalicə və Diaqnostika Mərkəzinə aparılıb. Onlardan A.Məmmədovun vəziyyətinin ağır olduğu bildirilir.
Faktla bağlı araşdırmalara başlanılıb.
Geri dön