Azərbaycan prezidenti Rusiya baş nazirinin müavinini qəbul edib
10-02-2015, 13:35. Yazar: admin
Azərbaycan prezidenti İlham Əliyev Rusiya hökuməti sədrinin müavini Arkadi Dvorkoviçi qəbul edib.
APA-nın məlumatına görə, A. Dvorkoviç Rusiya prezidenti Vladimir Putinin və baş nazir Dmitri Medvedevin salamlarını Azərbaycanın dövlət başçısına çatdırıb.
Görüşdə Azərbaycanla Rusiya arasında ikitərəfli münasibətlərin müxtəlif sahələrdə uğurla inkişaf etdiyi bildirilib, dövlət başçılarının mütəmadi görüşlərinin əlaqələrimizin möhkəmləndirilməsi baxımından əhəmiyyəti vurğulanıb, ticarət dövriyyəsinin və investisiya qoyuluşunun dinamik şəkildə inkişaf etməsi məmnunluqla qeyd olunub.
Söhbət zamanı ikitərəfli əlaqələrimizin bundan sonra da möhkəmlənəcəyinə əminlik ifadə olunub, iqtisadi əməkdaşlığımızın daha da genişləndirilməsi ilə bağlı məsələlər ətrafında fikir mübadiləsi aparılıb.
Dövlət başçısı V. Putin və D. Medvedevin salamlarına görə minnətdarlığını bildirib, onun da salamlarını Rusiya prezidentinə və baş nazirinə çatdırmağı xahiş edib.
Geri dön