Çin mediası Rusiyadan torpaq tələb edir
6-11-2015, 09:46. Yazar: admin
Rusiyanın sərhədyanı ərazisindən kiçik bir sahəni Çinə verməsi xəbəri bu ölkənin mətbuat və sosial mediasında qızğın müzakirələrə səbəb olub
Rusiyanın sərhədyanı ərazisindən kiçik bir sahəni Çinə verməsi xəbəri bu ölkənin mətbuat və sosial mediasında qızğın müzakirələrə səbəb olub.
Rusiya 4, 7 kvadrat metrlik sahəni Çinə noyabrın 4-də verib.
Bu ərazi Rusiya imperiyası tərəfindən 19-cu əsrdə, Çin “ikinci tiryək müharibəsini” uduzduqdan sonra zəbt olunmuşdu.
Çində bir çox internet istifadəçiləri Rusiyanın bu jestini alqışlasalar da, iki ölkə arasında keçmişlərdə baş vermis ərazi toqquşmalarını yaxşı xatırladıqlarını və Moskvanın Pekinə daha böyük ərazilər qaytarmalı olduğunu yazırlar.
Ərazi iddiası: 1, 5 milyon kvadrat metr
China Daily qəzeti yazır ki, “Rusiya 1858-1915-ci illər arasında ədalətsiz müqavilələr əsasında Çinin 1, 5 milyon kvadrat kilometrlik ərazilərini qəsb edib”.
Bir sıra Çin bloggerləri Rusiyanın kiçik bir ərazini Çinə qaytarmasını Putinin taktiki gedişi və Pekini ələ almaq cəhdi kimi qiymətləndirirlər.
Boiled Fish adlı istifadəçi yazır: “Rusiya bununla dünyaya bəyan etməyə çalışır ki, onun Çinlə yaxşı münasibətləri var”.
Bad Boy Alan adlı istifadəçi isə yazır ki, Rusiyadan bir qarış torpağı da geri almaq müşkül məsələdir, ona görə də 4, 3 kvadrat kilometrin qaytarılmasının böyük psixoloji əhəmiyyəti var.
Başqa bir blogger isə qeyd edir ki, “Putin və Si arasında məhəbbət davam edir”.
Çin mediası bildirir ki, Moskva və Pekin arasındakı yaxınlaşmanın əsas səbəbi onların hər ikisinin Qərb tərəfindən rədd edilməsidir.
“Vladivostoku qaytarın!”
Lakin ən böyük ərazi iddialrı sosial mediada irəli sürülür. “Vladivostoku, Blaqoveşşenski və Tanu-Uryanxayı qaytarın” – yazır Jianjia Cangcang SCU.
"Mən Vladivostok və Saxalinin qaytarılmasını gözləyirəm” – deyə iddia edir Radish Rabbit Pepe.
Bəzi Çin bloggerləri belə bir mülahizə irəli sürürlər ki, Rusiyanın Çinə münasibətdə bu sayaq səxavətlənməsinə səbəb onun Ukrayna ilə münaqişəsidir.
“Mən indi başa düşürəm ki, Rusiya Krımı niyə ilhaq edib? – yazır Van Syao adlı blogger, - Putin istəmir ki, onun hakimiyyəti dövründə Rusiya kiçilsin, ona görə də ilhaq edilmiş Ukrayna torpaqlarının hesabına Çin torpaqlarını qaytarırır” ("Azadlıq" radiosu).
Geri dön