Ukrayna danışıqları olacaq
2-10-2015, 10:21. Yazar: admin
Fransa, Almaniya, Rusiya və Ukrayna liderləri oktyabrın 2-də Parisdə görüşəcək və Ukraynada sülh prosesini müzakirə edəcək.
Ancaq bu görüş Suriya müharibəsinin törətdiyi qaçqın böhranı və Rusiyanın Suriyaya hərbi müdaxilə fonunda sanki kölgədə qalır.
Kvartet liderləri Ukraynada sülh prosesilə bağlı fikir ayrılıqlarını yoluna qoymağa çalışacaq.
Əsas mübahisəli məqam ölkənin şərqində yerli seçkilərin keçirilməsi, beynəlxalq müşahidəçilərin silahlıların nəzarətində olan ərazilərə buraxılması və cəbhə xəttindən ağır texnikanın çıxarılmasıdır.
Tərəflər daha kiçik silahların geri çəkilməsilə bağlı bu həftə razılığa gəliblər.
“Həll məsələsindən uzağıq, ancaq böhranın həllini tapacağına ümidimizi artıran elementlər var və ən vacib məqam hazırda atışmanın olmamasıdır,” Rusiya prezidenti Vladimir Putin oktyabrın 1-də deyib.
Geri dön