Tərtərdə oftalmoloq-alim Zərifə xanım Əliyevaya həsr edilən elmi-praktik konfrans keçirilib
Tarix: 28-04-2018, 07:45 | Çap et
Tərtərdə oftalmoloq-alim Zərifə xanım Əliyevaya həsr edilən elmi-praktik konfrans keçirilib
Tərtər rayon Mədəniyyət Mərkəzində görkəmli oftalmoloq-alim, akademik Zərifə xanım Əliyevanın anadan olmasının 95-ci ildönümünə həsr olunmuş elmi-praktik konfrans keçirilib.

Rayon icra hakimiyyətinin, huquq-mühafizə orqanlarının rəhbərlərinin, səhiyyə, təhsil və mədəniyyət işçilərinin, idarə, müəssisə və təşkilat rəhbərlərinin, ictimaiyyət nümayəndələrinin iştirak etdiyi tədbirdə ulu öndər Heydər Əliyevin və akademik Zərifə xanım Əliyevanın xatirəsi yad edilib.

Əvvəlcə iştirakçılar akademik Zərifə xanım Əliyevanın həyat və fəaliyyətinə həsr olunmuş filmə baxıblar.

Sonra Tərtər Rayon İcra Hakimiyyətinin başçısı Müstəqim Məmmədov akademik Zərifə Əliyevanın zəngin həyat yolundan, pedaqoji və həkimlik fəaliyyətindən danışıb, onun Azərbaycan səhiyyəsinə verdiyi töhfələrin əhəmiyyətini diqqətə çatdırıb. Bildirib ki, Zərifə xanım Əliyeva hər zaman Azərbaycan xalqının qəlbində yaşayacaq və onun xatirəsi daim hörmətlə anılacaq.

Rayon mərkəzi xəstəxanasının baş həkimi Yaşar Hüseynov, həkimlərdən Arzu Əhmədova, Əfsanə Məmmədova çıxış edərək qeyd ediblər ki, Azərbaycan oftalmologiyasını dünya səviyyəsində tanıdan akademik Zərifə xanım Əliyeva təbabətdə öz dəstxəti olan novator alim idi. O, elmi-pedaqoji fəaliyyətində təkcə çoxşaxəli elmi-tədqiqat işləri aparmaqla kifayətlənməyib, yüksəkixtisaslı gənc alim kadrların yetişdirilməsinə və oftalmoloq-həkimlərin ixtisaslarının artırılması işinə də xüsusi diqqət yetirib. Natiqlər Zərifə xanımın qayğıkeş ana, əsl insan kimi hər bir azərbaycanlı xanıma örnək olduğunu və elmi tədqiqatları ilə oftalmologiya elminə misilsiz töhfələr verdiyini vurğulayıblar.

Tədbir rayon incəsənət ustalarının hazırladığı konsert proqramı ilə davam etdirilib.
Vertikal.Az


Tərtərdə oftalmoloq-alim Zərifə xanım Əliyevaya həsr edilən elmi-praktik konfrans keçirilib




Xəbərlər
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 055 561-86-85 E-mail : vertikal-az@mail.ru
Designed by Daraaz.net