Maştağada "yaşıl soyqrım" Zeytun bağı yandırılaraq məhv edilir - FOTO
Tarix: 3-07-2017, 11:40 | Çap et
Maştağada "yaşıl soyqrım" Zeytun bağı yandırılaraq məhv edilir - FOTO
Sabunçu rayonu Maştağa qəsəbəsindəki keçmiş Subtropik sovxoz adlanan bağlarda meyvə ağacları kökündən çıxarılaraq daşınır və amansızcasına yandırılır.

Bu barədə Movqe.az-a sakinlər məlumat verib. Sakinlərin bildirdiyinə görə, sovet dövründə sözügedən ərazidə meyvə ağaclarından ibarət bağ salınıb. Bağda zeytun, əncir, badam və digər meyvə ağacları yetişdirilib. Sovetlər Birliyi dağıldıqdan sonra bağ ərazisi pay torpaqları kimi paylanılaraq əksər hissəsi özəlləşdirilib. 42 hektar ərazi isə vaxtı ilə həmin bağlarda çalışanlara tərəvəz məhsullarının əkilməsi üçün icarəyə verilib. Amma sakinlər deyir ki, son üç ildir həmin sahə sakinlərə, bağda vaxtıilə çalışanlara icarəyə verilmir: " Bu bağın ərazisin 700 hektardan çox idi. Özəlləşdirilərək satıldıqdan sonra ərazidə meyvə ağacları qırıldı, kimisi də bağdan torpaq alaraq ev tikdi. 700 hektardan yerdə 42 hektar bağ qaldı. Üç il əvvələ qədər biz həmin bağdan torpaq icarəyə götürərək göy-göyərti, tərəvəz əkirdik. Amma üç ildir ki, 42 hektarın sahibi Hüseyn Seyidov ərazini sakinlərin istifadəsinə vermir. Ötən ayın 7-dəeşitdik ki, bağ ərazisini tikinti üçün hansısa şirkətə satıb. Gedib gördük ki, həmin şirkət bağın ərazisindəki zeytun və digər meyvə ağaclarını kökündən çıxardaraq aparır, ərazini kənd təsərrüfatı təyinatlı torpaq statusundan çıxartmaq üçün yerdə qalan zeytun ağaclarını yandırır. Biz nə qədər çalışsaq da, bunun qarşısını ala bilmirik. Vaxtıilə əkib böyütdüyümüz meyvə ağacları gözümüzün qarşısında beləcə məhv edilir. Ağacların söndürülməsi üçün çağırdığımız yanğınsöndürən maşınlar isə bağın girişində dayanaraq yanğına heç bir müdaxilə etmirlər. Aidiyyatı qurumlardan xahiş edirik ki, illərdir salınan bu meyvə bağının məhv edilməsinin qarşısını alsınlar. Bu bağdan icarəyə götürülən torpaq sahələrindən onlarla sakin tərəvəz əkərək evinə çörək aparırdı. Bunu da bizə çox gördülər. İndi isə bağda ağacları məhv edirlər”.

Movqe.az saytı məsələni dəqiqləşdirmək üçün Hüseyn Seyidovla əlaqə saxlayıb. H. Seyidov isə bağın İdeal Biznes KO LTD şirkətinə icarəyə verildiyini, ərazidə tikinti işləri aparılmadığını, ağacların çıxarılaraq daha məhsuldar zeytun ağacları ilə əvəzləndiyini bildirdi: "Düzdür, ağaclar çıxarılır, amma o ağaclar Bayraq Meydanı tərəfdə əkilir. Bağa isə daha məhsuldar, istehsal üçün yağlılığı, məhsuldarlığı yüksək olan zeytun ağacları əkiləcək”.
H. Seyidov ərazidəki ağacların yandırılaraq məhv edilməsindən xəbərsiz olduğunu bildirdi.
Ekologiya və Təbii Sərvətlər Nazirliyi (ETSN) Ətraf Mühitin Mühafizəsi Departamentinin sektor müdiri Raqub Mirzəyev isə məsələdən xəbərdar olduğunu söylədi. Onun sözlərinə görə, ağacların çıxarılması, yandırılması ilə bağlı sakinlərdən Departamentə məktub daxil olub: "Həmin şəkildə göstərilən faktarın araşdırılması üçün Sabunçu rayon Polis İdarəsinə müraciət olunub. Meyvə ağacların məhv edilməsi barədə araşdırma aparılaraq zəruri tədbirlər görüləcək”.
Mövzunu diqqətdə saxlayacağıq. Məsələ ilə bağlı qarşı tərəfin mövqeyini işıqlandırmağa hazırıq.

Maştağada "yaşıl soyqrım" Zeytun bağı yandırılaraq məhv edilir - FOTO
Maştağada "yaşıl soyqrım" Zeytun bağı yandırılaraq məhv edilir - FOTO
Maştağada "yaşıl soyqrım" Zeytun bağı yandırılaraq məhv edilir - FOTO
Maştağada "yaşıl soyqrım" Zeytun bağı yandırılaraq məhv edilir - FOTO
Maştağada "yaşıl soyqrım" Zeytun bağı yandırılaraq məhv edilir - FOTO
Maştağada "yaşıl soyqrım" Zeytun bağı yandırılaraq məhv edilir - FOTO
Maştağada "yaşıl soyqrım" Zeytun bağı yandırılaraq məhv edilir - FOTO
Maştağada "yaşıl soyqrım" Zeytun bağı yandırılaraq məhv edilir - FOTO



Xəbərlər
 
 
 
 
 
 
 
 
 
 
06-10-2017 07:50
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 055 561-86-85 E-mail : vertikal-az@mail.ru
Designed by Daraaz.net