Tarix və zaman Azərbaycan bayrağının hər zaman zirvələrdə olacağını sübut edib
Tarix: 9-11-2015, 11:45 | Çap et
Tarix və zaman Azərbaycan bayrağının hər zaman zirvələrdə olacağını sübut edib
“Bayraq dövlətin önəmli atributlarından biridir. Dövlət bayrağımızın atribut kimi böyük dəyərinin olması bütövlükdə Azərbaycan dövlətini ifadə edir.”

Bunu SalamNews-a Milli Məclisin Hüquq siyasəti və dövlət quruculuğu məsələləri daimi komissiyasının üzvü, millət vəkili Fəzail Ağamalı deyib.

Onun sözlərinə görə, hər bir vətəndaş dövlət bayrağına hörmətlə yanaşmalı, onun uğrunda savaşmağı mübarizə aparmağı bacarmalıdır.

“Azərbaycanın Dövlət bayrağı 1918-1920-ci illərdə Sovet İmperiyasının yaranışı, Qızıl Ordunun Azərbaycanı işğal etməsi ilə süquta uğradı. Lakin, 1991-ci il fevralın 5-də Azərbaycan Respublikasının Ali Soveti “Azərbaycan Respublikasının Dövlət bayrağı haqqında” Qanun qəbul edərək onu Dövlət bayrağı elan etdi. 1991-ci il oktyabrın 18-də “Azərbaycan Respublikasının dövlət müstəqilliyi haqqında” Konstitusiya Aktı ilə Azərbaycan Xalq Cümhuriyyətinin varisi kimi Azərbaycan Respublikasının dövlət rəmzləri, o cümlədən Dövlət bayrağı bərpa edildi”, - deyə F.Ağamalı bildirib.

O vurğulayıb ki, tarix və zaman Azərbaycan xalqının, Azərbaycan bayrağının hər zaman zirvələrdə olacağını sübut edib: “Həmçinin, dövlət bayrağımız mitinqlərdə əsas dalğalanan atributlardan birinə çevrildi. Hazırda bayrağımız dünya miqyasında tanınmaqdadır. İdmançılarımızın beynəlxalq oyunlarda göstərmiş olduqları yüksək peşəkarlıq və qələbə ilə bayrağımız qaldırılır. Bunun sübutudur ki, Bakıda analoqu olmayan böyük Bayraq meydanı yaradıldı. Müstəqilliyimiz əbədidrsə bayrağımız da əbədi olacaq”.






Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
E-mail : [email protected]
Designed by Daraaz.net