Bəhram Bağırzadə koronavirusa yoluxmasından danışdı
Tarix: 28-07-2020, 16:16 | Çap et
Bəhram Bağırzadə koronavirusa yoluxmasından danışdı
Koronavirusa yoluxduğu üçün Mərkəzi Gömrük Hospitalında müalicə alan, sağalaraq dünən evə buraxılan Əməkdar artist Bəhram Bağırzadə “Facebook” səhifəsində paylaşım edib.

Oxu.Az-ın məlumatına görə, o, xəstəliyi dövründən danışıb:

“Yeni ildən az sonra, koronavirus pandemiyası dünyanı bürüməyə başlayanda, mən, əksər insanlar kimi, bunun növbəti bir “dəhşət hekayəsi” olduğunu düşündüm. Mənim üçün bu, zarafat kimi bir şey idi - karantin, məsafədən işləmək, SMS ilə evdən çıxmaq, virtual məkanda görünən çox məzəli yaradıcılıq.

Xəstəxanaya düşəndə heç nə bəladan xəbər vermirdi - nə olsun ki, kiçik bir temperatur və zəiflik, bu ki heç nə deyil! Telefonla çox danışırdım, postlar yazırdım, dostlara video göndərirdim, zarafatlaşırdım, inandırırdım, deyirdim ki, hər şey yaxşıdır, adi bir soyuqdəymədir və xroniki yorğunluqdur, mən də şounun məcburi iştirakçısı oldum, amma hər şey yaxşı olacaq və tezliklə evdə olacağam.

Virus haqqında düşünmürdüm, çünki xəstəxanada belə pandemiyaya şübhə ilə yanaşırdım! Hər şey qəflətən temperatur yüksəldikdə və nəfəs problemləri başladığı bir neçə saat ərzində dəyişdi. Sonra nə oldu, bilirsiniz - məni Mərkəzi Gömrük Xəstəxanasına apardılar, medikamentoz komaya saldılar, İVL aparata, sonra ECMO-ya qoşdular. Mən təxminən bir ay yox idim…”

“Gerçəkliyə qayıtmaq ağrılı və dəhşətli idi - hər şeydən xəbərdar idim, ancaq bir barmağımı belə qaldıra bilmirdim, nəfəs boruları isə mənə beton kimi görünürdü. “Budur, başlayır...”, - nifrət edənlər yazacaqlar. Bəli, xeyr, təəssüf və rəhm hissi yaratmaq fikrindən çox uzağam, çünki insanların illərlə dəhşətli əzab çəkdikləri, heç bir qurtuluşu olmayan və koronavirusdan daha pis olan xəstəliklər var.

Ancaq həqiqət budur ki, bu xəstəliklər hava-damcı yolu ilə ötürülmür, məhz bu, görünməz düşmənin dəhşətidir! Pandemiya və yüngülfikirliliyim barədə düşünməyə çox vaxtım var idi... Heç kimə mənim keçdiklərimdən və keçəcəklərimdən - qarşımda hələ bərpa dövrü var - keçməyini arzulamıram.

İndi mən, məni amansızcasına döyən “şou”nun tamhüquqlu iştirakçısıyam, hər sözümə görə cavabdehəm və sağlamlığı ilə “rus ruleti” oynamağa davam edən hər kəsə səslənirəm - xəstəlik var və heç də həmişə yüngül keçmir”, - deyə B.Bağırzadə bildirib.

Əməkdar artist əlavə edib ki, borular və damcıtökənlərlə bürünmüş xəstəxanaya düşməmək, nəfəs almağı və yenidən danışmağı öyrənməmək üçün həkimlərin tövsiyələrini yerinə yetirmək və karantin tədbirlərinə riayət etmək lazımdır:

“Bəli, bu, xoşagəlməzdir, bəli, qıcıqlandırıcıdır və sağlam olduğunuz müddətcə bu mövzuda zarafat da edə bilərsiniz. Ancaq Allah sizə reanimasiya şöbəsinə düşməyi nəsib etməsin, burada dəqiqələr həlledicidir və həkimlər heç də həmişə qələbə əldə edə bilmir... Buna görə də maska taxmaq və qaydalara riayət etmək sonradan özünə gəlməkdən və ya daha pis - yoluxdurmaqdan və yaxınlarınızı itirməkdən daha asandır.

Siz, həqiqətən, elə düşünürsünüz ki, Almaniya, İsrail, Böyük Britaniya, Rusiya, ABŞ, Çin, Yaponiya və bir çox digər ölkələr iqtisadiyyatlarına çox böyük ziyan vurdular, çox milyardlıq turizm və aviasiya biznesini yıxdılar, ticarət mərkəzlərini bağladılar ki karantin “oyunu” oynasınlar? Pandemiyaya məhəl qoymasa idi, Azərbaycana nə olardı? Bir neçə ildən sonra 10 milyonun yarısı qalacaqdı, çünki yarım milyon insanın eyni vaxtda xəstələnməsinə heç bir ölkə tab gətirə bilməz! Buna görə normal, sağlam düşüncəli ölkələr virusun yayılmasını dayandırmaq və əhalisini sağlam və çalışa bilən saxlamaq üçün çoxlu dəhşətli itkilərə getdilər.

Özümə kimisə inandırmaq və ya nəyisə sübut etmək vəzifəsi qoymuram. Mən, sadəcə, öz hekayəmi danışdım. Bir virusa inana, ya da inanmaya bilərsiniz, pandemiyaya inana, ya da inanmaya bilərsiniz, ancaq özünüz, yaxınlarınız və övladlarınızın xatirinə sağlamlığınıza qarşı diqqətli olun.

Biz birlikdəyik, heç kim tək deyil və heç kim kömək və dəstəksiz qalmayacaq! Hər kəsi məsuliyyətli, düşüncəli və səbirli olmağa çağırıram! Bu, belə çətin dövrü minimal itkilərlə yaşaya biləcəyimiz yeganə yoldur! Hamınıza can sağlığı arzulayıram!”




Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
E-mail : [email protected]
Designed by Daraaz.net