Dünya çempionatının pley-off matçlarının vaxtı dəyişdirildi
Tarix: 26-06-2020, 11:52 | Çap et
Dünya çempionatının pley-off matçlarının vaxtı dəyişdirildi

2022-ci ilin 21 noyabr – 18 dekabr tarixlərində Qətərdə keçiriləcək dünya çempionatının qitələrarası seçmə mərhələsinin pley-off matçlarının vaxtı dəyişdirilib.

Oxu.Az xəbər verir ki, FIFA-nın Konfederasiyalarla İş Qrupu kişilər arasında futbola aid təqvimdə beş dəyişiklik edilməsini təklif edib və bunlar qəbul olunub.

Belə ki, dünya çempionatının qitələrarası seçmə mərhələsinin pley-off oyunları 2022-ci ilin martından iyuna keçirilib.

Asiya (AFC), Afrika (CAF), Şimali, Mərkəzi Amerika və Karib hövzəsi (CONCACAF) və Okeaniya (OFC) assosiasiyaları üçün bu ilin oyun pəncərəsinin vaxtı dəyişdirilib. Vəziyyətin monitorinqini davam etdirmək şərtilə Cənubi Amerika (CONMEBOL) və Avropada (UEFA) planlaşdırıldığı kimi, oyun pəncərəsinin 2020-ci ilin sentyabr ayına qədər davam etməsi qərara alınıb.

UEFA-da bu ilin oktyabr və noyabr ayları üçün yığmaların oyun pəncərələrinin iki matç əvəzinə üç matç keçirilməsini asanlaşdırmaq üçün bir gün müddətinə uzadılmasına, AFC, CAF, CONCACAF və OFC-də 2021-ci ilin iyunundakı pəncərənin iki oyun əvəzinə dörd oyun keçirilməsini asanlaşdırmaq üçün yeddi gün müddətinə uzadılmasına qərar verilib.




Xəbərlər
 
 
 
08-08-2020 04:02
 
 
 
 
 
 
 
 
 
 
 
 
 
 
 
 
07-08-2020 16:21
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 070 209-30-39 E-mail : [email protected]
Designed by Daraaz.net